السكرتير ضد الإنقسام، الشباب ضد أسبابه
وإن كان مطلب المجلس الوطني الذي يرفعه الشباب وجبة ثقيلة على معدتك، فننصحك بشوربة انتخابات لجنة متابعة، لعلّكم تقبلون..
السكرتير ضد الإنقسام، الشباب ضد أسبابه
لو كان الانقسام رجلًا لقتلته، لكنه ليس كذلك.
|مجد كيّال|
نشرت الصحافة العربية في الداخل الفلسطيني خبرًا يفيد بأن سكرتير عام الجبهة الديمقراطية للسلام والمساواة يواصل الإضراب عن الطعام مطالبًا بإنهاء الانقسام. على الإنسان أن يكون إما معتصمًا في الخيمة، أو متابعًا عنيدًا لحروف الصحف الصغيرة ليفهم أن سكرتيرنا العزيز “يواصل!” الاعتصام منذ يوم واحد فقط، في حين يواصل الشباب وطلاب الجامعات وطلاب المدارس (نعم، المدارس) إضرابهم، الذي بدأ يوم 12 آذار… ويواصل عن يواصل… بتفرق.
يُذكر أن صحافتنا العربية بطولها وعرضها لم تنشر خبرًا حتى الآن عن الشباب الذين دخل إضرابهم واعتصامهم الأسبوع الثاني، والسكرتير لم يذكر هذا في بيانه أيضًا.. فالسكرتير يذكر ما يريد؛ فهو يذكر أنه يريد انهاء الانقسام بين فتح وحماس، وينسى أن يذكر أنه يريد وحدة طرفين: الطرف الذي يقمع الناس في غزة، والطرف الذي يقمع الناس في الضفة (ربما غاب عنه أن ليلةً قبل وصوله حاول زعران فتح حرق خيمة الاعتصام؟).
سكرتير الجبهة انضم للإضراب والاعتصام، لكنه يفصّل الاعتصام على مقاسه، فهذا ليس اعتصامًا لأجل انهاء الانقسام بمحاصصة سلطة أوسلو بين فتح وحماس. الهدف من الاعتصام يا أخونا السكرتير ليس إنهاء الانقسام ونقطة، بل إنهاء الانقسام بانتخاب مجلس وطني يمثل كل الفلسطينيين في كل مكان، نعم، عندنا في الداخل أيضًا، فلا تفصّله على مقاسك.. وإن كان مطلب المجلس الوطني الذي يرفعه الشباب وجبة ثقيلة على معدتك، فننصحك بشوربة انتخابات لجنة متابعة، لعلّكم تقبلون..
أخونا السكرتير يشغل الآن في الاعتصام شغل يصب في مصلحة مسببي الانقسام، كما يصب شغل قسم كبير من المتواجدين على المنارة، الشغل الذي يحوّل الاعتصام إلى اعتصام تسمح به فتح لأنها ضد الانقسام مقابل حماس التي تقمعه لأنها مع الانقسام:
الانقسام يحذر من الانفصاليين. تصوير: حمزة أبو عيّاش
- شبيبة فتح التي تؤمن بإنهاء الانقسام، إلا أنها كانت في أيام الاعتصام الأولى تعتدي على كل من ينادي بانتخاب مجلس وطني جديد.
- رجال مخابرات يتحوّلون فجأة لمعتصمين، وفجأةً لمتحرشين، وفجأةً لضباط، وفجأةً لهاتفين: “الشعب يريد إنهاء الانقسام، الشعب يريد إنهاء الانقلاب..”
- الحجّة التي تهتف لأبي مازن. (السلاح البتّار في مواجهة الحجة الحمساوية)
- الحرس الوطني الذي يقدم الفلافل للمضربين عن الطعام.
وأستطيع من هنا، كلما سمعت شعار “يا انقسام برا برا، فلسطين حرة حرة..” أن أتخيل الأخبار العاجلة على شاشة الجزيرة:
- عاجل: أنباء غير مؤكدة عن نية الانقسام إلقاء خطاب هام بعد ساعات.
- عاجل: الانقسام يعلن عن إجراء تعديلات دستورية، ويحذر من أن فلسطين ليست تونس ولا مصر.
- عاجل: الانقسام يصدر بيانًا يحذر فيه من الأجندات الأجنبية الانفصالية ويقول أن غايتها تقسيم البلاد.
وأخيرًا، والله، لو كان الانقسام رجلًا، لقتلته، لكنه ليس كذلك، إذن، فعلينا أن نجد من نقاتل، والأمر واضح.. السؤال الذي يراودني فقط، ماذا ستكون ردة فعل السكرتير حين يقرر الشباب تصعيد نضالهم لأجل مطلب المجلس الوطني، ويتصادمون مع أمن السلطة الفلسطينية؟ انتظروا الإجابة قريبًا…
( الكاتب مشارك بالاعتصام في رام الله منذ 15 آذار)
30 مارس 2011
1 بالنسبه للمعلقه الاولى … المطالبة بمجلس وطني لا تستثني غزه بالمطلق (يعني غزه ومخيمات في الداخل والخارج وضفه ) كما ان انتخاب مجلس وطني هو الوحيد الكفيل بانهاء الانقسام بين فتح وحماس ويسار ( توضيخ الك بانو الانقسام مش فتح وحماس)
2 بالنسبه للسكرتير المحترم حبيت اوضح بعض الامور … بعد شكره على الليله الي قضاها معنا وبعدها روح… اولا ما كان يومها في اضراب عن الطعام وكانو الشباب معلقين الاضراب بناء على نوايا حسن النيه الي صدرت من ابو مازن وكان المفروض يرجعوا يضربوا يوم السبت يعني بعد يومين , لما وصلت الخيمه بخبروني الشباب انو في صديق عنا من حيفا وسكرتير للجبهه قلت خلي بس يصحى بنحكي معه والمهم ما الكم في الطويله بسئل في شو رايك بل انقسام والخيمه وشو عندك اقتراحات لدعم لفكرة الاعتصام كان رده استمروا لتنجحوا اما ان شو خله معنوياتي في السما للتوضيح قبل ما احكي مع السكرتير الكريم كنت قاعد مع احد المعتصمين ولي مرته بطالب بل طلاق لانها الها اكثر من عشر ايام مش شايفته وبحكيش معها وما معه يشتري دخان
*** نختصر الحكي / الشباب الي على المنارة جميعهم شباب عايفين حالهم… وعلى الاقل اذا ما كانوش مسيسين بس فاهمين وين راسهم من اجريهم ويا السكرتير الكريم اجا قبلك عنا بسام الصالحي ومصطفى البرغوثي ووقيس ابو ليى وغيراته وما قدروا يستغلو تعب الشباب ولي قمت في انته من اعتصام وتضامن بعد البيان تبين انه هدفك تقول انا شاركت واضربت لمصلحه حزبيه وشخصيه
29 مارس 2011
الواضح من الاشي هاد المكتوب فوق انو الكاتب متواجد في قلب الحدث عشان يوقف السكرتير عند حدو . مسخرة !!
28 مارس 2011
بس بدي علق على جملة
(بغض النظر عن وين كانو قبل و وين عايشين(هاي اعتبارات تافهة بالنسبة الي)..
الي أنكتبت بالتعليق الي قبل انو ليش تافهة أو مين أنت لتكون لتعتبرها تافهة
يعني أحنا لساتنا شباب بس حضرنا كتير شغلات
انت وين كنت يعني شو الي ردعك عن المشاركة؟؟؟ بكلشي صار بمظاهرة رفع شعارات ولا بحملة توزيع ستكرز غزة
انا متأكد أنو رح تدخل جحرك متل ما كنت في عند الجد
وانا بحيي صراحة وموضوعية الي أحكى أخونا من رام الله
27 مارس 2011
لباسل: وانت شو.. عم تستنّى الناس ينتقدو لتستهزأ بشو عم بكتبو؟ و بعدين شو رايك بانهاء الانقسام أو انك علّقت على الشيء الوحيد يلّي فهمتو و هو اسم الكاتب؟؟
أمّا عن الانقسام ..فشو المشكلة انو في ناس عاملة اعتصام و مش عم تطلب غير انو الفلسطينيين يتوحدوا عكلمة واحدة وبعدين منشوف شو مع الاحتلال؟؟ بغض النظر عن وين كانو قبل و وين عايشين(هاي اعتبارات تافهة بالنسبة الي)و ولو كان عددهم قليل و مش عم بخربوا الدنيي فهاد علقليل بطرحو اشكالية الانقسام يلّي صار اشي شبه عادي و فتح وحماس كل واحد ماسك شوية أرض (عم ياكلولو كل يوم منها شوي) ومفكر انو عن جد سلطة ودولة.
27 مارس 2011
المشكلة مش في مجد ولا في البيرة ولا في الشباب الي عم يعتصموا..الثورة عمرها ما كانت بشخص حلو انو في ناس ما شفناهم بمسيرات الشهداء ولا بالمواجهات مع الاحتلال ولا بالإجتياحات ولا بجروح البلد كبيرها وصغيرها حلو أنو يعملوا أشي بس ما يشوفونا ولا اشي ازا احنا شايفين حلهم ما بجيب نتيجة او أعتصامهم همي حرين واحنا حرين يعني كل الي عم يشارك بالمسيرات بشكل منظم مش أكتر من 30 شخص كل الاحترام الهم بس سؤال الاغلبية الساحقة الي فيهم وين كانوا لما جثث الشهداء كانوا معبيين الشوارع؟؟
باميركا ولا بالقدس وحيفا,؟؟؟ يا عمي الثورة الي عم تشوفوها او صحيتوا عليها في ناس انولدوا فيها مش بلا ننهي الاحتلال طيب ماشي شو أعمل أقعد على المنارة!! كيف انهيتوا
شعارات ياسر عرفات وغيروا وغيراتوا شبعنا منها(أنهاء الانقسام هوي انهاء الاحتلال واااو شكلك عرفت انو في احتلال بعد الانقسام؟؟ وكيف انهاء الاحتلال قبل الانقسام
كل الاحترام لألكم انو بس هالقد بتقدروا تشتغلوا للوطن؟؟
معلش ريحت الجوز ولا عدمو.. بس دخليكم أطوروا
ازا بدي حط حالي محلكم شو رح فكر؟؟ وين اساليب الضغط على الطرفين؟؟ أضراب 72 ساعة بالاسبوع؟؟ مغني على المنارة؟؟ شعر حر؟؟ عرض فلم؟؟ هاي اساليب الضغط
علمنا الدينا كلها كيف تثور ومش عارفين كيف نثور
بشكركم كتير انكم بتنضفوا المنارة لما توسخوها قبلكم اجوا ناس وخلوها وسخة وبعدكم يمكن ييجي ناس ويخلوها وسخة ولما تشرب قهوة عند ابو الحبايب بصير زحمة لنوصلوا من الزبالة شكراً الكم كمان مرة وأعذروني على صراحتي المنطقية
27 مارس 2011
هدف مجد الوحيد هو انتقاد كل ما يكن انتقاده لكي يحصل على الانتباه قدر المستطاع والكل يصير يحكي ب”مجد كيال”. مع انه “مجد كيال” ولا فارق معه الانقسام الفلسطيني ولا بلوط وبس بدو ينشر اسمه بأي انتقاد كان, حتى ولو كان لهدرجة تافه زي هاد “المقال”. هههههه “الكاتب مشارك بالاعتصام في رام الله منذ 15 آذار” اوكي برافو مجد, بدك قنينة بيره يعني؟
25 مارس 2011
لا يمكن ان اطلق على ما كتب مجد كيال مقال، على الاكثر من الممكن ان اطلق عليه تعليق سطحي جداً لشخص تسيطر عليه احقاده. من يريد انهاء الانقسام عليه ان يكون كبير، واذا كان المعتصمون في المنارة صغار كمجد كيال فنحن في نفق مظلم لا يمكن ان نخرج منه الى النور، لكني كلي ثقه ان المعتصمون ضد الانقسام هم كبار ويعلمون ان انهاء الانقسام يبدا بين غزه ورام الله اولا ليتم بعدها انتخاب مجلس وطني يوحد ويقود شعبنا الفلسطيني الى بر الامان.
24 مارس 2011
أستغرب جدا ويحزننى جدا ما أراه وما أسمعه ويزهلنى بالتأكيد ما أقراه !!!! فإذا أعتبرنا أن المعتصمين فى المناره ومنهم كاتب المقاله على درجه من الوعى والقدره على فهم ما يطلبون فكيف يطلب المعتصمين مجلس وطنى جديد قبل إنهاء الإنقسام ؟ الا طبعا اذا كان يطلب مجلس وطنى جديد دون غزه !!! اتدرون يا ساده ما المشكله التى تواجهون ؟؟ المشكله انكم اعتبرتم أن الانقسام هذا فتح وحماس وتمترستم خلف هذه الحجه واطلقتم العنان للتحليلات خاصتكم !! الانقسام يا ساده بين كافه ابناء الوطن والتنطيمات والمستقلين , واكبر دليل هو المناره وما يحدث فيها فكل مجموعه صغيره تتمترس وراء مطلب وتختلف مع المجموعات الاخرى , نصيحتى حاولى انهاء انقسام المناره اولا وبعدها اعلوا بسقف مطالبكم لتصلوا بها غزه